سر القلوب بقلم الشاعر طارق عطية

سر القلوب

لو القلوب متداريش عن حبايبها اسرارها
لو العقول ماتنسانيش تحكي لي أفكارها 
......كان يبقي الحب نور
......ولا كان يبقي الغرور
......د.اللي مابين السطور 
.......صورة.......ومنظرها

لو الحقيقة وكدبها وشين لصورة واحدة
لو بس تاخد حقها.... وبلاش من الوحدة

.........مكنش الحق ضاع
..........ولا عرفنا. الخداع
......ولا اشترينا إللي باع 
........وقدرنا..... نختارها

لو القصور.والقبور .عارفنها وسكننا
لو البحور والخمور شاربنها وسكرنا

.........لا كان ظلم ابتدي
........وتعبنا ....من الندا
.......ولا كان صوت الصدي
.......تعب في مشوارها

طارق عطية