قصيدة : (( حورية ))
هيه هيه أنتى هيه
ليه بتسأل ليه عنيه
عنك أنتى يا حورية
انتى حوى مش بخاطرى
دا انتى حتى حته منى
ليه تجيبى اللوم عليه
رايحة ليه ولا جاية
.................................................................
عايز اشوفك فى المنام والقيام والكلام والزحام
مش هتفرق تبقى مين المهم إنك حنين
والجنين اللى انتظرته يتولد ويكون لمين
غير لقلبى اللى اتنسى عندك انتى من سنين
...................................................................
مش هتفرق فى الأسامى
كنتى نادية ولا شادية ولا عايدة ولا فادية
مش هتفرق تبقى سلوى ولا رضوى ولا نشوى
مش هتفرق عندى خالص المهم م كنش لايص
بينك انتى وبين ظنونى ف المتاهة م كنش دايخ
...................................................................
مش هيفرق لون عيونك
تبقى خضرة ولا زرقة
تبقى بنى ولا عسلى
ولا حتى تبقى زهرى
المهم تكونى جانبى
.......................................................................
حاضنة عينى بنن عينك
هبقى حاسس بالدفا
اصلى مجروح بالكفا
والضمير مات واكتفى
مات غريق وعنى راحل
راح وورثه م كنش ساهل
بددوه كل البشر
بالخيانة للقمر
والليالى والسهر
والوشوش ازيفت
بقت وحوش مقنعة
ملمعة ومقمعة
بس يرموا نظرة واحدة
تلقى نفسك ف العنا
.....................................................................
مش هيفرق لون ملامحك
المهم جوا منك
لو دا صافى يبقى قلبك
تبقى بيضة ولا سمرة ولا قمحى ولا شقرة
المهم تكونى ليه مش لحد غيرى تانى
أصلى عايش بالأمانى
والخدود رماحة تسرى
واخدة منى لون ملامحى
لونى غامق لونى خمرى
.........................................................................
مش هتفرق تبقى حمرة تبقى بانبى
المهم نكون سوا
نملى أيامنا هنا
مش هناك ولا هنا
ساكنة بستانى أنا
مش هتفرق الحروف الأسامى الظروف
الوشوش ويا الملامح شايفك انتى بس لامح
المهم نكون لبعض توأمين زى الكفوف
كونى ليه يا حورية
أصل حبك عندى غية
أصل حبك عندى غية
كونى ليه يا حورية
أصل حبك عندى غية
أصل حبك عندى غية
بقلم / أسامة عياد
ليست هناك تعليقات:
إرسال تعليق